Дигиталниот асистент на Microsoft веќе е достапен на Windows Phone, Windows 10 и Android, а сега се експериментира со негово внесување во автомобилите
Microsoft веќе подолго време учествува со најразлични софтвери кај мултимедијалните системи за автомобилите и едно време беа апсолутно најуспешен на производител на тоа поле, но последнава година се престигнати од Apple CarPlay и Android Auto, кои агресивно настапуваат на пазарот.
Адутот во ракавот на Microsoft најверојатно ќе биде Cortana, која може само со зборување да лансира многу различни команди, дури и некои посложени. Cortana би можела да биде пласирана заедно со Windows 10, кој како и во секој друг уред што можете да го замислите, ќе се најде и во автомобилите.
Како што најави Самуел Шен, директор на оперативната дивизија на Microsoft Asia-Pacific Research, интеграцијата на Cortana нема да биде во екранот на средната конзола во кабината, туку на ветробранското стакло, како проекција. Со помош на Cortana, возачот ќе може лесно да закаже состанок, да ја најде рутата за одредено место или да побара некој ресторан, без да го тргне погледот од патот. На стаклото ќе биде достапна и виртуелна мапа секогаш кога ќе биде повикана Cortana, како во Sci-Fi филмовите.
Со Windows 10 и Cortana во автомобилите, Microsoft ќе го адресира најголемиот проблем со нивните оперативни системи за автомобилите досега – беа изработувани различно за секој производител и не успеаја да воспостават стандард.
Извор: The Verge, The Next Web
