Сеавус го најавува хибридниот настан – Code Talks, кој ќе се одржи на 28 октомври, од 16:30 часот. Овој пат, настанот е посветен на front-end технологиите. Присутните ќе имаат можност да слушнат за микро Frontend архитектурата и Angular апликациите. Преку техничко и практично знаење и примери, учесниците ќе можат да научат за новите технологии и да ги подобрат своите вештини.
Домаќини на настанот се експертите на Сеавус, Игор Јошевски – Technology Line Manager и Димитар Четелев – Intermediate Developer во Телеком одделот на Сеавус.
Игор Јошевски детално ќе ја разгледа “Micro Frontend Architecture”, објаснувајќи го процесот на креирање на микро frontend и дефиницијата на микро-апликациите. Ќе имате можност да дознаете повеќе за архитектурата на микро frontend, планирање и интегрирање, како и кои се добрите и лошите страни на користењето на оваа архитектура. Дополнително, ќе разберете зошто и кога програмерите одлучуваат да користат микро frontend и која е користа од истото.
Втората тема на овој настан ќе биде “Code smells in Angular Applications” презентирана од Димитар Четелев. Во својата презентација, тој ќе сподели некои од “замките” во кои лесно може да се најдат програмерите на Angular, зошто се појавуваат и како може да спречите тие да се повторат. Настанот Code Talks ќе биде завршен со TheLionTalk панелот каде што сите учесници ќе имаат можност да добијат одговор на нивните прашања.
Резервирајте го вашето место денес и искористете ја оваа одлична можност да научите нови работи, да ги подобрите своите вештини, да добиете одговор на сите прашања, креирате нови пријателства, како и да бидете опкружени со други лица кои се интересираат за финансиските иновации и новите технологии.
