YouTube започна со мала промена на корисничкиот интерфејс на видеата кога истите се пуштени за гледање. Аглите на видеата сега се заоблени, а со тоа тие го добиваат стилот кој веќе одреден период е применет кај предлозите од страна, како и копчињата под видеото.
Оваа промена се однесува за десктоп верзијата од сервисот и ќе им стане достапна на сите корисниците во периодот што следи, а процесот е веќе започнат.
Со заоблувањето на аглите на видеото, страната сега изгледа целосно унифицирано, а и нас лично навистина ни се допаѓа и се чудевме зошто од компанијата не ја направат оваа промена.
Очекувано и логично, аглите повторно ќе бидат вратени во стандардниот формат доколку корисникот го зголеми видеото во „theater“ режим или на целиот екран.
Информацијата за промената е потврдена за The Verge, па ако веќе не ја гледате, тоа ќе се случи во наредните неколку денови или недели.
