И покрај тоа што нудат одлични спецификации, паметните телефони од највисоката класа на Sony се уште немаат оставено печат на пазарот како Galaxy S серијата на Samsung, или пак One серијата на HTC, а најмногу поради малите промени во дизајните.
На новите протечени фотографии од нов Sony паметен телефон, можеме да видиме голема промена во дизајнот, без рамка околу екранот, детаљ кој треба да биде единствен во високата класа. Според информациите, се работи за уред со кодно име Sony Lavender, кој треба да биде нов телефон од високата класа во Xperia линијата.
Интересно, најавен е MediaTek чипсет со осум јадра, како и 5,2 инчен Full HD екран со резолуција од 1920х1080 пиксели. Во предниот дел може да се види и голема камера со LED светилка, што најавува одлични селфи можности, слично како HTC Eye.
Иако според многу од информациите можеме да заклучиме дека се работи за наследник на Xperia Z4, можно е телефонот да биде лансиран и како посебна серија, односно како уред наменет за селфи ентузијастите, поради предната камера, или пак како уред со модерен и футуристички дизајн.
Како и да е, фотографиите барем најавуваат дека јапонскиот производител ќе посвети поголемо внимание на новите Xperia телефони, кои веќе се „дават“ во истиот дизајн од пред неколку години, што е особено забележливо кај Xperia Z серијата.
Извор: T3
