Со оглед на тоа што двете апликации се во сопственост на Google, очекувано беше дека може да се очекува некаква интеграција помеѓу нив. Од компанијата најавија уште пред неколку месеци дека може да се очекува информациите од Waze да почнат да бидат прикажувани и на Maps.
Тоа значи дека големата заедница на чија основа функционира Waze, сега ќе ја направи доста покорисна и веќе одличната Google Maps.
Според информациите од неколку корисници, Google изгледа започнува со тестирање на интеграцијата на апликациите. Првата информација која корисниците ја имаат забележано е пријава за присуство на полиција на одредена локација, а ваквите информации се тие по која е позната Waze.
Може да се види дека при навигација корисниците ќе добиваат кратко известување на долната страна од екранот кое е привремено за да не пречи, заедно со ознака за кој дел од мапата се однесува. Корисниците ќе можат да притиснат на копче за да потврдат дека информацијата е точна, односно веќе не е точна.
Не е познато кога може да се очекува официјалното пуштање на оваа нова и корисна функција, а исто така не е познато дали веднаш ќе им биде пуштена на сите корисници во светот.
