Уште од минатата година читаме дека Apple планира конечно да додаде OLED екрани кај iPad Pro серијата која требаше да биде претставена минатиот месец или на почетокот од овој.
Сега информациите најавуваат дека претставувањето на новите iPad модели може да се очекува во мај, а извор на оваа информација повторно е Марк Гурман кој сепак важи за еден од најмеродавните извори.
Покрај двата нови iPad Pro 11 и iPad Pro 12,9 инчни уреди со OLED екран, се очекуваат и два нови iPad Air уреди, а едниот од нив би бил за првпат поголем 12,9 инчен Air модел.
За Pro моделите е јасно дека ќе работат на М3 чипот, а за Air верзијата ќе треба да почекаме и да видиме. Ако го земеме досегашното искуство во предвид, iPad Air оваа година можно е да се очекува да дојде со М2 чипот или евентуално А17 Pro чипот од iPhone 15 Pro серијата.
