xAI објавија дека нивниот најнов голем јазичен модел, кој го претставија неодамна, им станува достапен на сите корисници, бесплатно. Grok3, кога беше претставен им стана достапен на корисниците кои плаќаат претплата, како и преку посебната Grok апликација.
Сепак, најновиот и досега најдобар јазичен модел од xAI, ќе можат да го пробаат сите корисници, а за истото не мора ни да имаат X или xAI сметка, па можат да го користат „четботот“ со најновиот јазичен модел и преку веб.
Секако, корисниците кои плаќаат претплата секогаш ќе имаат поголем пристап до Grok, односно помали или никакви ограничувања, пристап до понови функции, а во овој случај и можност за гласовно разговарање.
Достапноста на Grok3 беше објавена од страна на xAI, од каде истакнуваат дека се работи за најпаметната вештачка интелигенција во светот.
Овие тврдења на xAI секако не можат баш веднаш да се потврдат, но првичните тестирања покажуваат дека Grok3 дефинитивно е доста добар јазичен модел.
