Google денеска претстави нова веб страница, Google Tips, наменета за совети за користење на некои од нивните бројни сервис. Страната има многу едноставен дизајн и е составена од карти, на кои што можете да кликнете и да видите како може да се направи тоа што е напишано на истата. На пример, „Земете го Gmail што го познавате добро со вас“, односно ве информира за постоењето на Gmail апликации за Android и iOS, па на кратко ви објаснува како може да ја инсталирате на вашиот мобилен или таблет.
Јасно е дека оваа страница е наменета за луѓето што имаат многу малку искуство во работата со компјутери и мобилни уреди, а посебно со сервисите на Google. Моментално достапни се совети за следните Google сервиси: Search, Gmail, Chrome, Android, YouTube, Maps, Docs, Drive, Play, Calendar, Keep, News и Google+. Доколку сакате да ги следите советите, најдобро е да бидете најавени со вашата Google сметка. Google Tips страната можете да ја видите на следниот линк.
