Како што можевте да прочитате пред некој ден, оваа недела е откриен голем пропуст во OpenSSL, софтвер кој што се користи за енкриптирање на комуникацијата на веб страните. Ова едноставно кажано ја отвора оваа комуникација, која што треба да е заштитена, за пресретнување и злоупотреба. Компаниите веќе ги презимаат потребните чекори, односно закрпи за заштита од овој сигурносен пропуст, меѓутоа дури по нивното средување вашите лозинки може да бидат искористени доколку биле пресретнати. Затоа се препорачува да ги смените вашите лозинки на сервисите кои што ги користите, а биле ранливи на пропустот.
Од листата која што ја има изготвено Cnet порталот и продолжува да ја ажурира, може да се видите дека препорачливо е да ги смените вашите лозинки на следните веб страни: Facebook, Google, YouTube, Yahoo, Wikipedia, Bing, Pinterest, Instagram, GoDaddy, Vimeo, Flickr, Dropbox и повеќе.
