Скопје – 3 јули 2024 г. – Samsung Electronics денес објави дека отвора седум Galaxy Experience Spaces ширум светот, прикажувајќи нови начини за вршење на работите, комуникација и креирање со технологијата Galaxy AI низ најновиот екосистем на Galaxy. Со локации во Париз, Берлин, Њујорк, Дубаи, Џакарта, Сеул и Токио, обожавателите ширум светот можат од прва рака да ја истражат следната фаза на Galaxy AI на имерсивен и интерактивен начин.
„Додека Samsung продолжува да ја развива технологијата Galaxy AI и оди чекор подалеку, ние сме посветени на обезбедување уникатни и оптимизирани искуства со Galaxy AI кои најдобро одговараат на секој форм-фактор, од најновата серија Galaxy Z до поширокиот екосистем на Galaxy“, рече Џејми Парк (Jamie Park), потпретседател и раководител на групацијата Experience Marketing, Mobile eXperience Business во Samsung Electronics. „Возбудени сме што воведуваме нов свет на можности, нудејќи им на љубителите на Galaxy ексклузивен поглед на тоа како способностите на Galaxy AI низ екосистемот Galaxy може да го подобрат нашиот секојдневен живот.“
Имајќи предвид дека летото е шпицот на сезоната за одмори и обемни патувања, овие Galaxy Experience Spaces опфаќаат концепт на патување, поканувајќи ги корисниците да видат како различните функции на Galaxy AI можат да го збогатат секое патување. Посетителите целосно ќе уживаат во искуствата со Galaxy AI влегувајќи во овие простори и ќе имаат можност да истражуваат иновативни начини на патување со Galaxy AI. Овие функции прикажуваат нови начини за зголемување на продуктивноста со поедноставување на планирањето и организацијата на патувањето, нови начини за снимање на нивните најнезаборавни моменти, како и овозможување комуникација без оптоварување со јазични бариери.
Во избраните Galaxy Experience Spaces, посетителите можат да учествуваат во различни програми и да ги тестираат најновите функции на Galaxy AI на имерсивен начин на најновите Galaxy уреди.
