Проектот е дел од годишните празнични активности и има за цел да создаде позитивни спомени и поддршка за најмладите во општеството.
„Онлајн креативната работилница „Празнична магија“ е една од главните активности на иницијативата, наменета за родители и деца. Работилницата комбинира креативни активности со реупотребени материјали, инструкции според возраст, совети и празнични материјали. Главната цел е поттикнување на креативноста, семејното поврзување и едукација за одржливост, додека учесниците придонесуваат за хуманитарната мисија на проектот.“ вели организаторката на иницијативата Елена Гагиќ Стојчевска.
Иницијативата има силна поддршка од општеството и бизнисите, со околу 50 партнери кои придонесуваат со средства и подароци. Подароците за 2025 година се наменети за учесниците во работилницата, како знак на благодарност за нивната креативност и учество.
„Проектот нуди повеќе начини за вклучување, преку креативно создавање, каде што родители и деца ги споделуваат своите изработки на Инстаграм, преку Магичниот базар, што претставува јавна изложба на изработките и можност за поддршка на иницијативата, како и преку донации и пакетчиња, со кои граѓаните можат да подготват и достават празнични подароци. Секое учество ја зголемува празничната магија, создава нови спомени и инспирира и други да се приклучат.“ додаде Гагиќ Стојчевска.
Следете ја иницијативата на Инстаграм и бидете дел од магијата.
Со секоја донација добивате билет за онлајн работилниците.
