Во интервју за Дваркеш Пател, директорот на Microsoft Сатја Надела разговара на неколку теми кои се доста актуелни, важни за иднината, а и дефинитивно интересни.
Голем дел од мотивацијата да се направи едно вакво интервју е претставувањето на Majorana 1 квантниот чип од страна на компанијата, за кого се тврди дека ќе го забрза развојот на квантните компјутери и предностите кои тие треба да ги донесат.
Интервјуто го започнува со неговиот почетоци во Microsoft, како и претходните работни места, за работата со сервери, за полека да дојде до темите кои се важни во денешно време.
Тој интересно го истакнува својот став за вештачката интелигенција, како и вештачката општа интелигенција, кој говори дека оваа технологија треба да се цени според придобивките кои ги донесува за општеството, економскиот напредок и слично. Наместо тоа, моментално вештачката интелигенција се цени според тестовите кои се прават на различни видови на способности, а Надела е во право дека тие се џабе доколку не видиме некаква корист на крајот од таа способност.
Тој во интервјуто разговара за плановите на Microsoft, за иднината на работните места во време на вештачка интелигенција, за влијанието кое ќе го има ВИ во „гејмин“ индустријата и слично.
Овој разговор дефинитивно вреди да се погледнете, а видеото е достапно на почетокот од оваа статија.
