Враќањето на човекот на Месечината требаше да се случи во 2027 година со Artemis III мисијата од NASA. Ова ќе беше првата мисија на Месечината која вклучува слетување на астронаути после 53 години, односно од 1972 година и последната Apollo 17 мисија.
За мисијата NASA ги избра SpaceX и нивното Starship летало, а според информациите, ова е и единственото летало моментално кое може да се користи за една ваква мисија.
По одржување на состанок на 19 септември на „Aerospace Safety Advisory Panel“, се поставува прашањето дали Artemis III мисијата ќе може да го задржи планираниот период на лансирање.
Според членовите на комитетот кој е независен дел од NASA, а врз основа на состанокот со директорите од SpaceX, мисијата нема да може да биде лансирана во 2027 година.
Се верува дека одложувањето ќе биде повеќе години, а нема конкретни проценки колку години.
Причината за овој заклучок е недоволната подготвеност и развој на Starship системот за повторно полнење со гориво во орбитата на Земјата, нешто што мора да се направи за HLS – Human Landing System верзијата од Starship да може да слета на Месечината.
Кога ќе се земат во предвид тест летовите на Starship, иако има и успешни, сепак имаше и доволно неуспешни летови, а тестовите се далеку од фазата која би претходела за извршување на мисија до Месечината.
Постојат шанси проблемите да бидат решени полесно од што се верува сега, но ќе мора да почекаме и да видиме колку долго ќе биде одложувањето на Artemis III мисијата и се надеваме дека нема да биде на неопределено.
