Bagel е модерна верзија од алатка која нема кој некогаш во животот не ја користел за разни намени. Се работи за метрото за мерење на должина, а Bagel ќе замени повеќе вакви алатки, за повеќе намени.
Изгледа овој едноставен уред им е навистина интересен и потребен на повеќето, затоа што Kickstarter кампањата, преку којашто се финансира неговиот развој, веќе има собрано повеќе од 500.000 долари, а побарани беа само 30.000. До истекот на рокот за прибирање средства остануваат уште 21 ден, а еден уред може да се нарача сега за цена од 80 долари, но истата е привремена.
Bagel треба да замени повеќе видови на метроа кои се користат за повеќе намени. Тој исто така е и паметен уред, односно може да се поврзе со мобилен телефон, односно посебно направената апликација за него.
Во апликацијата, со која се поврзува преку Bluetooth, се зачувуваат направените мерки, а за истите може да се додаваат ознаки.
Bagel нуди можност и за правење на гласовни белешки кои по поврзувањето со апликацијата ги претвора во текст.
Инаку, Bagel нуди три режими на мерење, односно преку лента, тркалце и ласер. Сите овие режими треба да овозможат лесно мерење во разни ситуации, за што обично се потребни повеќе видови на метроа.
Извор: Kickstarter
