Скопје, 24 декември 2025 година — Samsung Electronics Co., Ltd. денес ја претстави својата најнапредна линија на Odyssey гејминг монитори досега, воведувајќи пет нови модели кои ги поместуваат границите на резолуцијата, стапките на освежување и импресивните визуелни перформанси. Предводена од првиот 6K 3D Odyssey G9 на Samsung, линијата за 2026 година дебитира со технологии за дисплеи што се први од ваков вид во светот, наменети за гејмери и креатори, вклучувајќи ја и следната генерација Odyssey G6 и три нови модели Odyssey G8.
„Со овогодишната линија Odyssey, воведуваме искуства со дисплеи кои едноставно не беа возможни ниту пред една година“, изјави Хун Ли, извршен потпретседател на бизнисот за визуелни дисплеи (VD) во Samsung Electronics. „Од првиот во индустријата 6K 3D монитор без очила до револуционерната брзина од 1.040 Hz, овие монитори ги дизајниравме за да одговорат на амбициите на денешните гејмери и да обезбедат ниво на имерзија што суштински го менува начинот на кој содржината изгледа и функционира на екранот.“
Odyssey 3D: Првиот во светот 6K гејминг монитор со 3D без очила
32-инчниот Odyssey 3D (модел G90XH) го претставува првиот во светот 6K дисплеј со 3D без потреба од очила, воведувајќи сосема нов начин на доживување на игрите на монитор. Благодарение на следење на очите во реално време, мониторот ја прилагодува длабочината и перспективата според позицијата на гледачот, создавајќи слоевито чувство на димензионалност за мазен и непрекинат гејмплеј без потреба од хедсет.
Со 6K резолуција, стапка на освежување од 165 Hz која преку Dual Mode се зголемува до 330 Hz, како и време на одзив од 1 ms GtG, брзата акција останува остра и мазна. PC гејмерите можат да уживаат во висококвалитетна, проширена понуда на поддржани наслови со оптимизирани 3D ефекти, развиени во соработка со гејминг студија.
Игри како The First Berserker: Khazan, Lies of P: Overture и Stellar Blade ќе понудат дополнителна димензионалност што ги унапредува теренот, чувството за дистанца и раздвојувањето на објектите, надминувајќи го стандардното 2D гејминг искуство
Odyssey G6: Првиот во светот со стапка на освежување од 1.040 Hz за гејминг со висока брзина
27-инчниот гејминг монитор Odyssey G6 (модел G60H) го унапредува натпреварувачкиот гејминг со првиот во светот гејминг монитор со стапка на освежување од 1.040 Hz, овозможена преку Dual Mode, како и со изворна QHD поддршка до 600 Hz. Ова обезбедува јасност на движењата на ниво на еспорт, помагајќи им на играчите полесно да ги следат целите и да ги забележат фините детали при движења со висока брзина.
Кога е потребно, Odyssey G6 може моментално да ги зголеми перформансите, нудејќи ултра-остра резолуција за корисниците да искусат спектакуларни виртуелни светови и екстремно високи брзини што го поттикнуваат натпреварувачкиот адреналин.
Со поддршка и за AMD FreeSync Premium и за NVIDIA G-Sync Compatible, Odyssey G6 обезбедува секоја рамка да биде мазна, секоја боја да дојде до израз, а секој момент да делува брз и одзивен.
Odyssey G8: Високорезолуциски избор со 6K, 5K и OLED опции
Серијата Odyssey G8 се проширува во 2026 година со три различни модели, од кои секој нуди поинаков баланс меѓу резолуција и брзина.
Како предводник на понудата, 32-инчниот Odyssey G8 (модел G80HS), првиот 6K гејминг монитор во индустријата, обезбедува нативни перформанси од 165 Hz, со Dual Mode кој поддржува до 330 Hz во 3K режим.
27-инчниот Odyssey G8 (модел G80HF) нуди поостра 5K опција со нативна поддршка до 180 Hz, а со Dual Mode стапката на освежување се зголемува до 360 Hz во QHD резолуција за уште помазни движења.
За корисниците кои сакаат подлабок контраст, 32-инчниот Odyssey OLED G8 (модел G80SH) комбинира 4K QD-OLED панел со стапка на освежување од 240 Hz, Glare Free приказ, осветленост од 300 нити и VESA DisplayHDR™ True Black 500 сертификат. Неговиот DisplayPort 2.1 (UHBR20) поддржува пропусен опсег до 80 Gbps за беспрекорно HDR и VRR прикажување.
AMD FreeSync Premium Pro и NVIDIA G-Sync Compatible се поддржани кај сите три модели, обезбедувајќи стабилни перформанси без кинење на сликата. Секој G8 модел им нуди флексибилност на гејмерите и креаторите, без разлика дали приоритет им е проширен работен простор за креација, поостри детали за имерзивни светови или богат контраст за кинематографски визуелни ефекти.
Според IDC, Samsung е лидер на глобалниот пазар на гејминг монитори со стапка на освежување над 144 Hz, со удел од 18,8% од приходите. Со воведувањето на новата Odyssey линија, компанијата е на добар пат да ја задржи позицијата број 1 седма година по ред.
Целосната Odyssey линија за 2026 година ќе биде прикажана на CES 2026 во Лас Вегас, од 6 до 9 јануари, каде што посетителите ќе можат директно да ги искусат новите дисплеи.
| Линија | Големина | Резолуција | Panel | Стапка на освежување | Двоен режим | Порти | Дополнителни карактеристики |
| Odyssey 3D (модел:G90XH) | 32” | 6K(6,144 x 3,456) | IPS | 165Hz | 330Hz(Dual Mode 3K) | HDMI2.1.DP2.1 | Без очила 3D, Eye Tracking, 2D→3D конверзија |
| Odyssey G6(модел: G60H) | 27” | QHD(2,560 x 1,440) | IPS | 600Hz | 1,040Hz(Dual Mode HD) | HDMI2.1.DP 2.1 | FreeSync Premium Pro,G-Sync Compatible,HDR10+ Gaming |
| Odyssey G8(модел: G80HS) | 32” | 6K(6,144 x 3,456) | IPS | 165Hz | 330Hz(Dual Mode 3K) | HDMI2.1.DP2.1 | |
| Odyssey G8(модел:G80HF) | 27” | 5K(5,120 x 2,880) | IPS | 180Hz | 360Hz(Dual Mode QHD) | HDMI2.1.DP2.1 | |
| Odyssey OLED G8(модел: G80SH) | 32” | 4K(3,840 x 2,160) | QD-OLED | 240Hz | 240Hz | HDMI2.1.DP2.1(UHBR20),USB-C(98W) | Glare Free, VESA DisplayHDR TrueBlack 500, HDR10+ Gaming |
