Веб страните кои овозможуваат конвертирање на датотеки, како на пример PDF датотеки, веќе влегуваат во категорија на страни со кои треба да се внимава. Секое прикачување на датотека, па потоа симнување на истата, логично претставува ризик.
Поради тоа не изненадува предупредувањето објавено до страна на FBI Denver за тоа дека ваквите страни веќе се искористуваат од страна на хакерите. Истите го користат познатиот „фишинг“ пристап со креирање на лажни страни исти како некои од познатите вакви страни.
Корисниците кои не внимаваат доволно ги користат овие страни стандардно, по што симнуваат одредени датотеки кои не би требало.
Во основа, ова предупредување не значи дека ваквите страни не треба да се користат, но корисниците мора да бидат повнимателни и да ги проверуваат истите. Кратка проверка за тоа која ваква страна е безбедна и проверка на точната адреса, прави голема разлика за заштита онлајн.
Од бирото предупредуваат дека симнувањето на датотеките може да доведе до симнување на скриен малициозен софтвер кој потоа може да дојде до личните податоци на корисникот, како телефонски броеви, број на лични карти, дата на раѓање, лозинки, информации од банките и слично.
