Windows 11 покрај одличниот редизајн, дојде и со неколку нови функции, како на пример Widgets делот кој во некоја од наредните верзии од системот, ќе добие поддршка за „виџети“ од трети страни.
Доколку сте корисник кој повеќе претпочита да ја користи тастатурата, наместо глувчето, во продолжение ви споделуваме неколку кратенки за тастатурата. Со овие кратенки некои од работите може да се направат без потреба од користење на глувчето, а ова е посебно корисно доколку компјутерот го користите за пишување, па рацете често ви се на тастатурата.
| Кратенка | Активност |
|---|---|
| Windows копче + W | Се отвора Widgets делот |
| Windows копче + N | Се отвора центарот за известувања |
| Windows копче + Z | Се отвораат Snap позициите за поставување на прозорите на страните од екранот |
| Windows копче + Alt + стрелка нагоре | Поставување на селектираниот прозор на горната половина од екранот |
| Windows копче + Alt + стрелка надолу | Поставување на селектираниот прозор на долната половина од екранот |
| Windows + C | Се отвора Microsoft Teams, апликација која сега е интегрирана во Windows 11 |
Ова секако не се сите кратенки, а ги има многу, па овие се тие кои се карактеристични за Windows 11 и со кои може да се направат некои од најчесто користените активности.
