Последната генерација на преклопни телефони од Samsung – Galaxy Z Fold6 и Galaxy Z Flip6 – сé уште ги воодушевува корисниците со својот врвен дизајн и иновации, и токму затоа, ако размислувате за најприкладниот подарок за Нова Година за вашите драги луѓе, тогаш дефинитивно овие уреди го заслужуваат вашето внимание.
Galaxy Z Fold6 и Galaxy Z Flip6 се истакнуваат со најтенката и најлесната изработка во историјата на Galaxy Z серијата, со совршено симетричен дизајн и рамни рабови кои нудат елегантен и префинет изглед. Преклопната шина е дополнително зајакната, а издржливоста е максимизирана благодарение на напредните материјали – Armor Aluminum и Corning® Gorilla® Glass Victus® 2.
И двата модела се опремени со најновиот Snapdragon® 8 Gen 3 процесор за Galaxy, овозможувајќи врвни перформанси, моќна графика и напредни ВИ функционалности, правејќи ги идеални за гејминг и продуктивност.
Galaxy Z Fold6: Совршен асистент за продуктивност
Дизајнот на Galaxy Z Fold6 е совршена комбинација на елеганција и функционалност. Со најтенкиот и најлесниот облик досега во Galaxy Z серијата, Fold6 нуди поголема удобност за носење и користење. Неговиот совршено симетричен облик со рамни рабови го истакнува модерниот и премиум изглед на уредот. Преклопната шина е дополнително зајакната со двојна структура и прецизно изработена шарка, што овозможува беспрекорно отворање и затворање без компромис на издржливоста.
Кога е затворен, уредот зрачи со минималистички и компактен изглед, а при отворање, импресивниот 7,6-инчен главен екран се истакнува со својата беспрекорна површина и тенки рамки. Со овој дизајн, Fold6 ги редефинира можностите за мултитаскинг, овозможувајќи на корисниците беспрекорно прелистување, работа и создавање содржини на голем екран кој се чувствува како минијатурен таблет.
Galaxy Z Fold6 е дизајниран за оние кои се постојано во движење и имаат потреба од уред кој ги комбинира функционалностите на лаптоп и таблет. Големиот екран нуди интелигентни ВИ функции, како преведување во реално време, hands-free интерпретација и предлози за пишана комуникација. Дополнително, S Pen пенкалотого зголемува потенцијалот за креирање и продуктивност, што го прави совршена алатка за професионалци и креативци.
Galaxy Z Fold6 доаѓа во уникатни нијанси: сребрена сенка, розова и темносина, додавајќи модерен изглед на овој иновативен уред.
Galaxy Z Flip6: Стил, персонализација и моќни камери
Galaxy Z Flip6 е симбол на стил и иновативност, со дизајн што совршено одговара на динамичниот и модерен животен стил. Овој уред, кој двојно се преклопува за да стане неверојатно компактен, лесно се сместува во секој џеб или мала чанта, правејќи го идеален за корисници кои го ценат мобилниот и минималистички пристап.
Flex Window – надворешниот екран, е една од највпечатливите карактеристики на Flip6. Со големина што овозможува преглед на важни информации, апликации и персонализирани виџети, овој екран сега поддржува уште повеќе опции за персонализација, вклучувајќи динамички позадини, нови стилови на часовници и интерактивни алатки напојувани од вештачка интелигенција.
Отворен, Flip6 го открива својот ултра-модерен 6,7-инчен екран со рамни рабови и тенка, симетрична конструкција која нуди удобно држење и врвно корисничко искуство. Шарката е дополнително зајакната со новиот механизам за преклопување, кој обезбедува долготрајна издржливост и стабилност при користење.
Моделот се издвојува и со камерите кои овозможуваат снимање од невозможни агли, подобрена Nightography, Super HDR и AI зумирање до 10x. Новите 50-мегапикселни широки и 12-мегапикселни ултра-широки сензори носат квалитетни фотографии со остри детали и прецизни бои, дури и во слаби светлосни услови.
Дизајнот на Flip6 не само што изгледа модерно, туку и нуди разновидност со своите тренди бои како сребрена сенка, жолта, сина и ментол зелена. Овие бои му даваат на уредот младешки и елегантен изглед, совршен за корисници кои сакаат да се издвојат.
Galaxy Z Flip6 комбинира компактна форма и естетика со практичност и напредни функции, правејќи го не само телефон туку и моден додаток кој остава впечаток.
Со иновативни функционалности и естетски совршен дизајн, Galaxy Z Fold6 и Galaxy Z Flip6 ја редефинираат иднината на преклопните телефони, нудејќи моќ, издржливост и беспрекорен стил за секој корисник.
Идеален пар со Galaxy Watch7 и Galaxy Buds за комплетно Galaxy искуство
За да се заокружи целосното корисничко искуство, Galaxy Watch7 и Galaxy Buds3 Pro се совршениот додаток на Galaxy Z Fold6 и Z Flip6 во рамките на Galaxy еко-системот. Galaxy Watch7 не само што овозможува напредно следење на здравјето и фитнес активностите, туку и беспрекорно се поврзува со телефонот, овозможувајќи ви да ги управувате повиците, нотификациите и апликациите директно од вашиот зглоб.
Од друга страна, Galaxy Buds3 Pro се слушалки со неверојатен дизајн кои овозможуваат кристално чист звук со напредно активно поништување на бучавата (ANC) и интуитивна контрола, правејќи ги идеални за слушање музика, повици или гејминг во движење. Со ваква синергија меѓу уредите, Galaxy еко-системот нуди непречено, интуитивно и поврзано искуство за корисниците, поставувајќи нови стандарди за продуктивност и забава.
