Со Android 15, моменталната верзија од овој оперативен систем, Google ги зголемува барањата кои производителите мораат да ги следат доколку сакаат да можат да ги користат мобилните сервиси од компанијата.
Поточно, доколку производителите сакаат да можат да ги вклучат Play Store и другите потребни сервиси од компанијата, тие ќе мораат да вклучуваат чип за простор на податоци со најмалку 32GB.
Како и досега, останува правилото дека 75% од просторот мора да е достапен за апликации и датотеки од корисникот, односно оперативниот систем не смее да зафати повеќе од 25% од достапниот простор.
Ова најголема разлика ќе направи за корисниците кои ги купуваат уредите од ниската класа, а според информациите тие не се баш мал процент од корисниците.
Нивните уреди со оваа новина ќе бидат нешто подобри, односно ќе можат да инсталираат повеќе апликации, како и да чуваат повеќе слики и видеа.
