Microsoft и Facebook се „здружија“ со цел изградба на нов кабел кој ќе ги спои САД и Европа низ Атлантскиот океан. Кабли низ океаните не е ништо ново, меѓутоа со зголемувањето на бројот на интернет корисници, како и капацитетот и барањата на онлајн сервисите, изградбата на нови поврзувања секако не е непотребно.
За изградба на кабелот е ангажирана компанијата Telxius, компанија во сопственост на познатата телекомуникациска компанија Telefónica. Кабелот, кој е наречен MAREA, ќе се протега на должина од 6.600 километри, а ќе и огромен капацитет од 160 тера бити во секунда.
Изградбата се очекува да започне оваа година, а ќе започнува од градот Вирчинија Бич во САД, а треба да се поврзе со Билбао во Шпанија до крајот на 2017. Од компаниите се најавува дека се планирани и посебни краци кон други краеви од светот.
Потребата од една ваква инфраструктура за компании како Microsoft и Facebook не е воопшто чудно. Facebook е најголемата социјална мрежа и секојдневно опслужува повеќе од милијарда корисници.
Microsoft од друга страна работи со сервиси во облакот како што се Azure, Office 365, Skype и слични, па зголемувањето на капацитетот на можноста за поврзување со нивните корисници е клучна.
“Со цел подобро да им служиме на нашите клиенти и да обезбедиме сигурна и со ниска латентност конекција каква што заслужуваат, ние продолжуваме да инвестираме во нови и иновативни начини за постојана надградба и на Microsoft Cloud и глобалната интернет инфраструктура”, вели Френк Реј од Microsoft. “Ова претставува важен нов чекор во градењето на следната генерација на инфраструктура на Интернетот.”
Извор: Microsoft, The Verge, TechCrunch
