ChatGPT десктоп апликацијата официјално дојде и на Linux, односно на дел од големиот број на дистрибуции. Со тоа оваа позната алатка е достапна на сите платформи, после достапноста на Windows и macOS.
Апликацијата моментално е достапна во „preview“ верзија и ги обединува ChatGPT, ChatGPT Work и алатката за кодирање Codex во еден интерфејс. Според информациите, поддржани се десктоп варијантите на Ubuntu 24.04 и 26.04 LTS, Debian 13, како и Fedora 43 и 44.
Иако верзијата за Linux ги нуди основните функционалности, вклучувајќи го и гласовниот режим (Voice) и вградениот прелистувач, сепак постојат одредени ограничувања. За разлика од верзиите за macOS и Windows, на Linux засега нема да биде достапна опцијата за „Computer Use“, односно можноста ChatGPT директно да комуницира со други десктоп апликации како OpenOffice или GIMP.
Со овој потег, OpenAI се приклучува на конкуренцијата откако Anthropic претходно ја пушти својата апликација од нивниот асистент Claude на Linux.
Апликацијата е достапна глобално за сите корисници.
