Скопје, 1 јуни 2026 година – Компанијата Самсунг (Samsung) ќе ја претстави својата визија за поврзана грижа управувана со вештачка интелигенција на настанот „VivaTech 2026”, што ќе се одржи од 17 до 20 јуни во изложбениот и конференциски центар „Paris Expo Porte de Versailles“.
Под темата „Отворена покана за поздрава иднина”, компанијата ќе демонстрира како интелигентните, поврзани искуства можат да поддржат поактивни и превентивни пристапи кон благосостојбата.
„VivaTech” оваа година го одбележуваа своето десетто издание и важи за најголемиот европски настан за стартапи и технологија, посветен на истакнување иновативни решенија и решавање на социјални предизвици. Се очекува овогодинешната изложба да привлече повеќе од 4.000 компании, од етаблирани глобални технолошки фирми до нови стартапи, со цел поттикнување на партнерства, инвестиции и соработка.
Организиран со фокус на темата „Вештачка интелигенција: Влијание, а не илузија”, настанот „VivaTech 2026“ ќе ја истражи транзицијата на индустријата во целосната ера на вештачка интелигенција. Глобалните компании ќе претстават решенија со вештачка интелигенција во осум поткатегории: Редефинирана продуктивност; Суверенитет и етика; Енергија, зелена технологија и мобилност; Сајбер-безбедност и одбрана; Здравје и долговечност; Ризик, развој и скалирање; Креативни индустрии; и Технологија надвор од очигледното.
Преку отворена иновација, „Samsung“ работеше на беспрекорно интегрирање на вештачката интелигенција во секојдневниот живот на корисниците. Учеството на „VivaTech“ ја одразува посветеноста на компанијата за градење поширок екосистем кој ги опфаќа и лидерите во индустријата и стартапите. Со оглед на тоа што благосостојбата и долгорочната виталност стануваат стратешки важни, „Samsung“ и неговите партнери ќе претстават низа услуги и решенија, вклучувајќи интегрирано управување со здравјето преку Samsung Health, како и иновации во долговечноста и грижата за домашните миленици.
Присутните исто така ќе можат да ги погледнат здравствените можности кои се очекува да бидат воведени низ поврзаниот екосистем на „Samsung“, кој ги опфаќа мобилните телефони, носачите и услугите.
На 19 јуни, „Samsung“ ќе учествува на панел-дискусија која ќе ја истражува иднината на здравствените искуства управувани од вештачка интелигенција и улогата на поврзаните екосистеми во овозможувањето персонализирана благосостојба во пошироки размери.
Заедно со своите соработници, „Samsung“ ќе пристигне на „VivaTech 2026“ со заедничка аспирација: инспирирање на поздрава иднина.
