Како што информиравме, договорот за купување на Nokia од страна на Microsoft беше официјализиран минатиот петок после повеќе од 8 месеци на процедури и одобренија од повеќе институции. Сега Nokia, односно делот за уреди и сервиси е дел од Microsoft, заедно со 25.000 вработени во компанијата. Името на Nokia ќе биде променето во Microsoft Mobile, а Microsoft се има обврзано да го одржува Nokia.com доменот заедно со социјалните сметки во наредните година дена.
Во продолжение можете да ја видите најновата реклама за Nokia, која што е првата од станувањето на компанијата дел од Microsoft. Од неа може да се види дека целта е уредите и оперативниот систем да бидат претставени како различни од она што повеќето луѓе денеска го користат, па од тука доаѓа и името „не како и секој друг“.
