Остануваат уште само седум дена до Techstars Startup Weekend Skopje 2026, кој ќе се одржи во Централната експозитура на ПроКредит Банка, во организација на Startup Club Skopje, со поддршка на ProCredit Bank и Mastercard.
Под темата AI Native Solutions, 14-тото издание ќе обедини студенти, програмери, дизајнери, маркетери и претприемачи кои во текот на 54 часа ќе формираат тимови, ќе развиваат стартап-идеи и ќе ги презентираат своите решенија пред стручно жири.
Остануваат уште ограничен број билети, достапни на: https://startupweekendskopje.com/.
Lovable е официјален Vibe Coding партнер, а секој учесник ќе добие 100 Lovable кредити за развивање дигитални решенија со помош на вештачка интелигенција.
Учесниците ќе добијат поддршка од искусни ментори од технолошката и стартап-заедницата, чија листа е веќе објавена на официјалната веб-страница и социјалните мрежи на Startup Weekend Skopje.
Вредни награди за најдобрите тимови
Најуспешните три тимови ќе добијат награди од ProCredit Bank, Startup Club Skopje, Nest и Nebula, вклучувајќи бизнис-едукација, бесплатни бизнис-сметки, канцелариски простор, пристап до дигитални платформи и менторска поддршка.
Првопласираниот тим ќе добие и директен влез во инкубаторската програма #ИмамИдеја4, бесплатна регистрација на компанија и шест месеци канцелариски простор во N99. За сите три победнички тимови се обезбедени билети за Startup Revolution AI Summit 2027, додека останатите учесници ќе добијат ваучери за две недели бесплатен коворкинг во N99.
Последна шанса за учество
За учество не е потребно претходно стартап-искуство или напредно познавање на AI – доволни се желба за учење, креативност и подготвеност за создавање нешто ново.
Датум: 6–8 ноември 2026 година
Локација: Централна експозитура на ПроКредит Банка, ул. Манапо 7, Скопје
Обезбедете го вашиот билет навреме и бидете дел од Techstars Startup Weekend Skopje!
Билети: https://startupweekendskopje.com/.
