Нема многу ИТ компании во класата на Google, па во годината гледаме само 2-3 конференции кои навистина вредат и не треба да се пропуштат. Се разбира, во оваа група ги ставаме и Microsoft и Apple, кои имаат слични конференции.
Оваа недела е време за Google I/O конференцијата насочена кон програмерите, но информациите кои се претставуваат се интересни и за обичните корисници.
Како и обично, на оваа конференција може да се дознае повеќе за развојот на нова верзија од Android, останатите технологии на кои работи Google, како вештачка интелигенција, апликации и повеќе.
Вчера беше првиот ден од конференцијата која се одржува секоја година во Сан Франциско, Калифорнија, а ќе трае до утре, односно 19 мај.
За што се говореше на вчерашниот ден, односно што се ќе биде презентирано до крајот на конференцијата, можете да прочитате во статиите кои следат.
