Скопје на 22 и 23 септември ќе собере меѓународни експерти и професионалци од различни области на вештачката интелигенција на AI Tech Summit „Filip Avramchev“ Skopje 2026, кој ќе се одржи во Националната опера и балет.
Овогодинешната програма носи говорници од глобални технолошки компании и организации, со различни перспективи за развојот и примената на AI – од инфраструктура, податоци и AI агенти, преку автономни системи и роботика, до бизнис трансформација и односот меѓу човекот и технологијата.
Меѓу досега објавените говорници се претставници и експерти поврзани со OpenAI, NVIDIA, Microsoft, Waymo, EMOTIV, Zalando, IDEO и други компании и организации од глобалниот AI и технолошки екосистем.
На Самитот во Скопје ќе учествуваат:
- Tilman Resch – OpenAI
- Koen van den Berg – NVIDIA
- Fatos Ismali – Microsoft UK
- Aishwarya Jadhav – Waymo
- C. Mikael Mattsson – svexa
- Kim Old – EMOTIV
- James Pelton – Zencoder
- Rui Machado – Maio Labs
- Darren Goonawardana – Collectiv
- Alessandro Vozza – Volt Data Centers
- Alistair Greenwood – OmniforceAI
- Dr. Natasha Vita-More – Human+AI Project
- Irena Bojarovska – Zalando SE
- Ilya Pavlenkov – Prometheus Robotics
- Atanasko Boris Mitrev – The Autoware Foundation
- Angela Kochoska – IDEO
Различните професионални области од кои доаѓаат говорниците ја следат и пошироката идеја на овогодинешниот Самит, а тоа е да покаже колку брзо AI излегува од рамките на класичната IT индустрија и станува дел од бизнисот, инфраструктурата, мобилноста, роботиката, податоците и секојдневниот живот.
Под мотото „Human x AI – Каде што иновацијата се сретнува со човечкиот потенцијал“, програмата ќе го отвори и прашањето за односот меѓу човекот и технологијата и начинот на кој вештачката интелигенција ги менува индустриите, работните процеси и можностите за создавање нова вредност.
Покрај Main Stage програмата со меѓународни и домашни говорници, посетителите ќе имаат можност да ја видат и практичната страна на технологијата преку AI Labs, AI Expo, практични демонстрации и AI Student Hackathon powered by OpenAI.
AI Tech Summit „Filip Avramchev“ Skopje 2026 ќе се одржи на 22 и 23 септември во Националната опера и балет во Скопје.
За повеќе информации за програмата, говорниците и билетите, следете ги официјалните канали на AI Tech Summit „Filip Avramchev“ 2026 и посетете ја www.techsummit.ai.
