Марк Закерберг, преку неговиот Instagram канал, најави дека WhatsApp добива поддршка за испраќање на слики во повисока, односно HD резолуција. Не е познато дали и каква компресија ќе имаат овие слики, но сепак мали се шансите да немаат и да се испраќаат во оригиналната форма.
Користа на една ваква можност е што одредени слики кои ги испраќаат корисниците важно е да бидат испратени со добар квалитет, како на пример добри слики од планинарење или позадини за уредот.
Стандардниот квалитет во кој се испраќаат сликите обично има доста голема компресија, како и намалување на резолуцијата, а тоа е со цел да се заштеди просторот на корисникот кој сигурно добива голем број на слики.
Корисниците ќе имаат можност да го изберат HD квалитетот при испраќањето, а на горната страна додадена е икона која го означува тој квалитет.
Корисниците можат да ја очекуваат оваа новина во неделите што следат, а како нареден чекор се најавува и можноста за испраќање на видеа во повисока резолуција.
