Од 6 до 8 ноември 2026 година, Скопје повторно ќе биде центар на иновациите, претприемништвото и новите технологии. По 14-ти пат, Techstars Startup Weekend Skopje ќе ги обедини идните претприемачи, креативци, програмери, дизајнери и сите оние кои сакаат својата идеја да ја претворат во реален бизнис.
Овогодинешното издание ќе биде посветено на Artificial Intelligence (AI), со посебен фокус на создавање AI-native solutions – решенија во кои вештачката интелигенција не е само дополнителна функционалност, туку основен дел од производот или бизнис моделот.
AI не е идејата. AI е алатката
Во време кога вештачката интелигенција го менува начинот на кој работиме и создаваме, Startup Weekend Skopje ги предизвикува учесниците да размислуваат еден чекор понатаму.
Наместо да додаваат AI на веќе постоечки производи, учесниците ќе истражуваат како од самиот почеток да создадат решенија изградени околу можностите на оваа технологија.
AI-native пристапот ги охрабрува да препознаат реални проблеми и да развијат иновативни решенија во различни индустрии, користејќи ја вештачката интелигенција како клучна алатка за создавање вистинска вредност.
54 часа, една идеја и можност за нов почеток
Startup Weekend Skopje е интензивен тридневен настан каде што учесниците го искусуваат целиот процес на создавање стартап, од првичната идеја до финална презентација пред стручно жири.
Настанот започнува во петок со претставување идеи и формирање тимови. Во следните 54 часа, тимовите работат на истражување на пазарот, валидација на идеите, развивање бизнис-модели и создавање првични прототипови (MVP), со поддршка од искусни ментори од стартап и бизнис-заедницата.
За учество не е потребна претходна стартап-идеја, оформен тим или искуство во претприемништвото. Потребни се само љубопитност, желба за учење и подготвеност за создавање нешто ново.
Меѓународно искуство и поддршка од стартап-заедницата
И оваа година, низ 54-часовното искуство учесниците ќе ги води Симоне Демелас, кој повторно се враќа во улогата на фасилитатор на Startup Weekend Skopje, помагајќи им на тимовите максимално да го искористат викендот.
Официјален организатор на настанот е Startup Club Skopje, организација посветена на развојот на локалниот стартап-екосистем преку едукативни програми, инкубатори, настани и поврзување на претприемачи, ментори и инвеститори.
Настанот повторно се реализира со поддршка од ПроКредит Банка, која континуирано ги поддржува младите, претприемништвото и иновативните бизнис-идеи. Четврта година по ред, просториите на банката ќе бидат домаќин на Startup Weekend Skopje, обезбедувајќи простор каде што новите идеи добиваат можност да прераснат во реални решенија.
„Early Bird“ билетите се достапни до 19 октомври
Сите заинтересирани можат да ги обезбедат своите билети по „Early Bird“ цена до 19 октомври 2026 година.
Techstars Startup Weekend Skopje ќе се одржи од 6 до 8 ноември, во просториите на ПроКредит Банка во Скопје.
Повеќе информации и билети на: https://startupweekendskopje.com
54 часа се доволни за една идеја да го добие својот прв тим, првиот прототип и првата можност да стане нешто големо.
