На 28 ноември, во InnoX Innovation Center во Скопје, ќе се одржи DevFest Skopje 2026, еднодневна технолошка конференција посветена на вештачката интелигенција, AI агентите и нивната практична примена.
Во организација на Google Developer Groups (GDG) Skopje, настанот ќе обедини околу 100 професионалци, инженери, програмери, студенти и технолошки ентузијасти, со цел размена на знаења, практични искуства и поврзување со домашната и меѓународната технолошка заедница.
Под мотото „The day agents leave the demo and go to production“, овогодинешното издание ќе се фокусира на развојот и примената на AI агенти во реални продукциски средини. Програмата опфаќа теми како AI агентски протоколи, безбедност, MLOps, Google Cloud, Gemini и скалабилни AI системи, преку стручни предавања и демонстрации во живо.
Девет говорници од Македонија и Европа ќе ги споделат своите искуства и експертиза:
- Akshata Mohanty – Google Developer Expert за AI/ML и Head of Engineering во Tilla, ќе зборува за следење на квалитетот и промените во AI системите во продукција.
- Goran Minov – Senior Technical Account Manager во Okta, ќе претстави автоматизирано решавање безбедносни пропусти со CodeMender и Google Cloud.
- Stefan Andonov – асистент и истражувач на Факултетот за информатички науки и компјутерско инженерство (ФИНКИ) и Data & ML Team Lead, ќе одржи предавање на тема „Where Do Agents Live?“, посветено на предизвиците при поставување AI агенти во продукциски средини, изборот на соодветна инфраструктура и нивното извршување и скалирање со користење на Google Cloud технологии.
- Anuradha Kumari – Google Developer Expert и Senior Software Developer во VodafoneZiggo, ќе зборува за пристапноста и корисничкото искуство на веб-платформите.
- Balram Chavan – Google Developer Expert и Principal Software Engineer во LucaNet, ќе ги претстави предизвиците при обезбедување и скалирање на Gemini Live API.
- Enes Turan – Platform Software Engineer во JumpCloud, ќе зборува за скалабилни MLOps решенија со Google Kubernetes Engine.
- Vasudev Maduri – Staff Data Engineer во Admiral Group, ќе ги објасни протоколите MCP, A2A, A2UI и AG-UI за комуникација меѓу AI агенти.
- Nino Risteski – ML & Data Lead во IVTM Analytics, ќе ја разгледа улогата на инженерското расудување во ерата на AI генериран код.
- Teodora Mladenovska – Senior ML Engineer во Pythian, ќе зборува за идентитетот, пристапот и безбедноста на AI агентите.
Покрај предавањата, посетителите ќе имаат можност да учествуваат во Vibe Lounge, интерактивен простор во кој, со помош на Google AI Studio, ќе можат да развијат сопствена апликација, дури и без претходно програмерско искуство. Најдобрите идеи ќе бидат презентирани пред публика и жири на главната сцена.
Обезбедете го вашето место на DevFest Skopje 2026 овде.




































