Околу 20 стартапи ќе се соочат со предизвик во живо пред инвеститори, претприемачи, инфлуенсери, новинари и публика, без сигурноста на класичната презентација и со само една задача: да успеат да привлечат внимание и да убедат вистински луѓе во вредноста на она што го градат.
Од 1 до 4 октомври, Скопје ќе биде домаќин на Startup Revolution AI Summit 2026, кој годинава ги обединува стартапите, инвеститорите, технолошките лидери, корпорациите и луѓето кои го градат новиот бизнис и AI екосистем во Југоисточна Европа.
Со повеќе од 100 говорници, 400 стартапи и очекувани над 2.000 учесници од повеќе од 50 земји, самитот ќе донесе четири дена исполнети со разговори за вештачка интелигенција, инвестиции, раст на компании, нови технологии, маркетинг, финансии и иднината на претприемништвото.
А оваа година, дел од програмата ќе биде и едно поинакво стартап искуство.
На 2 октомври, во Македонската филхармонија, The Founder Games ќе го донесе својот Live Challenge во Скопје.
Наместо уште една класична pitch сесија во која стартапите имаат неколку минути, презентација и подготвен говор, учесниците ќе бидат извадени од комфорната зона и ставени пред многу пореална задача.
Како да натерате некого да застане? Како за неколку секунди да му објасните што создавате? И, најважно, како да го убедите дека вреди да ве запомни?
Околу 20 стартапи ќе добијат предизвик во живо во кој преку креативен пристап ќе треба да допрат до луѓето присутни на самитот, да го претстават својот производ или идеја и да создадат вистинска реакција.
А луѓето пред кои ќе треба да го направат тоа нема да бидат статисти.
Во просторот ќе има инвеститори, основачи, бизнис лидери, како и повеќе инфлуенсери и новинари, кои ќе бидат дел од искуството и ќе комуницираат директно со стартапите.
Токму тука започнува вистинскиот тест.
Затоа што во реалниот свет, клиентот нема обврска да ја отвори вашата презентација. Инвеститорот нема обврска да ве слуша пет минути. Новинарот нема обврска да ја раскаже вашата приказна. А публиката може едноставно да продолжи понатаму.
Стартапот мора сам да најде начин да го заслужи вниманието.
The Founder Games Live Challenge е создаден токму околу тој момент — кога теоријата завршува, а основачите мораат да покажат како размислуваат и реагираат под притисок.
Форматот е дел од поширокиот концепт на The Founder Games, претприемачко reality show искуство во кое стартапите не се оценуваат само според тоа колку добро можат да pitch-уваат, туку се ставаат во реални бизнис ситуации кои ги тестираат нивната креативност, брзина, комуникација, продажба и способност да се снајдат кога сценариото не е однапред напишано.
Live Challenge во Скопје ќе му овозможи и на публиката на Startup Revolution да види една поинаква страна од стартап светот — онаа која обично не се гледа на конференциската сцена.
Не совршено подготвените слајдови.
Туку моментите кога треба веднаш да донесеш одлука.
Кога некој ќе ти каже „не“.
Кога имаш само неколку секунди да бидеш интересен.
И кога една случајна средба може да стане следниот клиент, инвеститор, партнер — или приказната што некој ќе реши да ја раскаже.
The Founder Games Live Challenge ќе се одржи на 2 октомври во Македонската филхармонија, во рамки на Startup Revolution AI Summit 2026.
Овој октомври, стартапите во Скопје нема само да зборуваат за своите идеи.
Ќе мораат да ги стават во игра.
