Instagram воведе нов начин за споделување на содржина од мрежата помеѓу пријателите преку креирање на заеднички колекции. Можноста за креирање на колекции веќе е достапна за корисниците, но таа е достапна само за сопствени потреби.
Со креирањето на заедничка колекција, двајца или до 250 корисници, ќе можат да ја гледаат таа колекција и се што е зачувано во истата. Секој корисник кој е дел од таа колекција ќе може да додава објави, па истата да претставува едно место каде ќе се гледаат одредени интересни објави.
Исто така, оваа нова можност може да е одлична кога се организираат одредени работи, па заедничката колекција да биде поврзана со одреден проект, организација на настан, патување и слично.
Instagram веќе ја предложува оваа новина при зачувување на некоја објава, а може да се направи и при креирањето на нова колекција и вклучување на новата можност на истата да може да се приклучат и пријателите.
