Оваа година е годината кога Apple треба да почне да го користи новиот 3nm процес од TSMC во производството на нивните чипови. A17 Bionic, на кој ќе работат iPhone 15 Pro телефоните, како и M3 чипот, треба да го користат овој процес и да го подобрат и така одличното место на пазарот.
Според информациите, новите чипови треба да донесат доста големо подобрување на ефикасноста, односно заштедата на енергијата, а тука е секако и делумното подобрување на перформансите.
Очекувањата за продажба на телефоните и компјутерите од Apple се доволно големи, па од компанијата наводно ги имаат зафатено поголемиот дел од производствените процеси на TMSC за оваа година. 90% од работата со новиот 3nm процес ќе биде за Apple, нешто што дополнително ги зголемува очекувањата.
Можевме да прочитаме и дека Apple веќе ги тестира новите М3 чипови, а тоа посебно е забележано за Pro верзиите кои се очекуваат идната година со MacBook Pro лаптопите од највисоката класа.
