По најавата минатата недела дека официјалната надградба на One UI 8.5 ќе започне на 6 мај во Кореја, од денес истата официјално им станува достапна на корисниците во Македонија.
Како први кои ќе можат да ја инсталираат One UI 8.5 верзијата се корисниците на Galaxy S25 серијата, а во оваа група би требало да се и корисниците на Galaxy Z Fold7 и Galaxy Z Flip7, како и нивните претходни модели.
Една од поважните новини кои доаѓаат со One UI 8.5 е можноста за споделување датотеки со корисниците на Apple, нешто што стана достапно благодарение на Google.
Како и секогаш, препораката е да се зачуваат сите важни информации од уредот во „облакот“ или на друга локација, па да се направи надградбата, иако ситуациите кога нешто не поминува како што треба скоро и да ги нема.
