Апликациите кои овозможуваат заштитени разговори преку нивно шифрирање се голема цел за пробивање на оваа заштита. Dr. Web компанијата откри еден начин, а тоа е преку продажба на фалсификувани смартфони кои во нив имаат малициозен софтвер.
Поточно, од компанијата имаат откриено смартфони кои се направени да изгледаат како некои од тие на познатите брендови, а малициозниот софтвер во нив е наменет за следење на разговорите во WhatsApp, како и WhatsApp Business.
Од компанијата истакнуваат дека кај овие смартфони е инсталирана и постара верзија од Android, 4.4.2, која ги нема денешните заштити, па малициозниот софтвер може да ја заврши својата работа.
Телефоните кои тие ги имаат тестирано имаат и слични имиња со тие кои сакаат да ги „имитираат“, односно P48Pro, radmi note 8, Note30u и Mate40.
Досега немаме слушнато за продажба на вакви телефони во нашата земја, па веруваме дека или нема или мал е бројот на корисници кои може да се предмет на оваа измама.
Dr. Web го објаснуваат начинот на којшто функционира овој малициозен софтвер на следниот линк.
