Qualcomm на овогодинешниот Snapdragon Summit ги претстави Snapdragon 8 Elite Gen 6 и Snapdragon 8 Elite Extreme Gen 6, новите процесори за врвните Android телефони.
Двата процесори се изработени во 2nm процес и го делат истиот осумјадрен Oryon „CPU“. Две од јадрата работат на највисоко 5GHz, што според Qualcomm е прв пат кај мобилен процесор, а другите шест достигнуваат до 4GHz.
Главната хардверска разлика меѓу нив е во графичкиот дел. Extreme добива посебни јадра за вештачка интелигенција, кои преку Adreno Neural Fusion ја зголемуваат резолуцијата и создаваат дополнителни слики во игрите, слично на решенијата што Nvidia и AMD веќе ги користат кај компјутерите.
Extreme добива и посебни јадра за вештачка интелигенција во графичкиот дел, кои преку Adreno Neural Fusion ја зголемуваат резолуцијата и создаваат дополнителни слики во игрите. Тоа е слично на решенијата што Nvidia и AMD веќе ги користат кај компјутерите.
Според Qualcomm, графиката кај Extreme е 44% побрза од претходната генерација, наспроти 35% кај стандардната верзија, а кај двата ефикасноста е подобрена за 40%. Кај „CPU“ делот, Extreme е 13% побрз, а стандардната верзија 10%, додека двата се 37% поефикасни од Snapdragon 8 Elite Gen 5.
Процентуално најголема разлика има кај процесорот за вештачка интелигенција (NPU), каде Extreme носи 35% подобрување, а стандардната верзија 14%. Extreme има и 50% повеќе заедничка меморија за NPU, што според Qualcomm овозможува директно на телефонот да работат „Mixture of Experts“ модели со над 30 милијарди параметри, кај кои во секој момент е активен само дел од нив.
Разлики има и кај видеото. Extreme снима 8K видео со 60 слики во секунда и 4K забавено видео со 240 слики во секунда, додека стандардната верзија поддржува 8K со 30 и 4K забавено видео со 120 слики во секунда.
Двата процесори поддржуваат до 24GB RAM и Bluetooth 6, подготвени се за идниот Wi-Fi 8 стандард, а новиот X105 модем е наменет за побрзи 5G врски.
Процесорите ќе ги користат Honor, iQOO, Motorola, OnePlus, OPPO, Redmi, RedMagic, vivo и Xiaomi. Samsung засега не е на листата, па не е познато дали Galaxy S27 ќе ги користи.
Првите телефони веќе се претставени. Xiaomi 18 Pro и 18 Pro Max беа објавени во Кина, а Motorola веќе го најави signature 27 со Extreme верзијата. Honor и iQOO ги објавуваат своите модели во Кина на 28 и 29 септември.
